Seih Thlirna-Pastor Lalrinawma

A ngaihnawm a, a hlimawm bawk.

A ziaktu them thiam na (creativity) :

Sermon ṭhenkhat chu an sawi lai la la pawha a sawitu tum hriat loh, an sawi zawh ruala theihnghilh zui nghal mai a tam; chutih rualin tam tak chu ngaihthlak ruala min hruai nghal thei, kum tam tak liam hnuah pawh kan hriat zui reng a awm bawk. 'Seih' hi chu chhiar paha a thawnthu khawvela min chênpuia, a bu khup hnu pawha mitthlaa châm zuitir thei a ni tlat mai. Hei hi a ziaktu themthiamna liau liau a ni a. Chhungrila amah luahtu leh thu ngaihnobei tak tak ziak chhuak thei tura a thinlung chei mawitu, 'Seih' lailum luah tlattu, amah Siamtu chu fakin awm rawh se.

Suangtuahna vrs a tak :

'Seih' hi hming dang vuah dawn ila, 'Suangtuahna' tih mai theih turin, a kil tin hi a ziaktu suangtuahnain a khat a. Chhiar liam puat chuan 'a tak' a pai mang lo tih tura mawi a ni a. A ziaktu pawh hi suangtuahna khawvelah a chêng nasa lutuk a, heti chuan engtin nge 'a tak ram mawina' a hmuh theih ang...tih mai tur khawpin, suangtuahnain a irawm thute hi a din a ni si a.

Nimahsela, a hawrawp dum phêna mi zawng zawng hmuh kim vek tuma chhiartu chuan, chu 'suangtuahna' chu 'a tak tak' khawvel leh 'a der tel lo' hringnunin, ram pangpar kara tui tai pût fîm tak ang maia a rawn bun chhuah tih a hmuh hmaih hauh si lo vang le!

A ziaktu suangtuahna hi 'dream' satliah a ni lo va; ani tan chuan 'a tak' tia miten an sawi hi 'a lem leh din chawp' khawvel a ni zawk si.

Khawharna vrs Nun hlimna:

'Seih - ah hian a ziaktu khawharna inphum ru, a rûktêa thuhruk chu 'fiah takin' a hmuh theih a. Nula riangvai leh mal tlat, hnêmtu ngai reng, suangtuahna kâwm melh melh ṭhin, suangtuahnaa tlang pang letliam fanga kawng khawhar zawh ṭhin kan hmu a. Chu kawngah chuan ṭhian mamawh leh ngai êm êmin, a duhthusam suangtuahna khawvel dinpui tur mi a zawng a ni. A kalna kawng chu a zawh thui poh leh a khawhar a zual em ni aw! tih turin a awm fo bawk.

Hring khawvelah hian a tan chuan a duhthusam luah zo an tam lo va. A tawpa a tlukluhna chu amah Dintu leh Siamtu, natna khuma a thlarau chawitu 'kut lianpui' kha a ni leh tho ṭhin si a. Chuvang chuan, lei mite din chawp lei mawina aiin amah Siamtu kutchhuak khuarel thilte chuan a khawhar a hnêm zawk fo lo thei lo a ni. A tan chuan in chhâwng ropui tak aiin hnah thel ro pakhat pawhin Siamtu ropuina a hril zawk a. Chu chu khawhar taka a awm chang pawha a nun tihlima tinui leh ṭhintu a ni zawk si a.

(Pastor Lalrinawma hi Mizoram Synod hnuaiah, Airfield Vengthar Pastor Bialah a awm mek a. Thu leh hla lam a tuiin, Sermon, Article leh Poetry lamah pawh kutchhuak a ngah tawh hle a ni. A sermon hrang hrang dahkhawmna bu hmasa ber 'Hlobeta Daifim' tih bu a tichhuak tawh a. A kutchhuak hlu tak tak kan la hmuh chhoh zel a beiseiawm)

Comments

Lehkhabu chhiar...

Mihring hian kum 5-10 ah kumtin lehkhabu 10 chhiar ta se - 60. Kum 11 - 13 ah 15 chhiar ziah ta se 45. Kum 14-23 hi high school, college, university kal ṭan chhoh lai, hna la thawh leh eng emaw zir bîng vak hma lehkhabu chhiar tam awlsam hun lai ber a ni hial mai thei, kumtin 120 chhiar ta se - 1200 kum 24 aṭanga 40 ah, helai tak hi hna zawn chhoh leh research ti tur tan chuan zir lam zir bing vak a ngaih hunlai a ni a, inchhiar char char si a, chhiar ṭeuh a har hunlai a nih avangin ti hniam hretin 65 velah titla ta ila - 1040. Kum 40-ah 2345, a pung mawh hle mai😃. Hei hi han chhut chhin sathliah mai a ni a, kan hun hman dan leh buaipui tur thil dang tam dan azirin a theih diak diak loh chang a awm fo thei dawn a, lehkhabu chhiar tam tawk a harzia erawh a lang thei tho awm e. Tun hnaiah Mizo lehkhabu hi kum khatah 200 bawr chhuak angin a khairual theih ang a. Literature bîk a ni emaw, a piah lamah pawh hnam dang lehkhabu ṭha lar zual leh Mizo lehkhabu 50/50 emaw, 60/40, 70/30 ang...

Van Lal Nau Ang: A Christological Interpretation

-Pro Pastor Lalrinpuia Pachuau Pukzing Pastor Bial Krismas apianga Mizo Kristiante lunglen kai harhtu, Upa Lalhminghliana’n “Ngai Teh Van Lal Nau Ang Pian Ni” tia a phuah hmanga Isua Krista chungchanga Apostol-te thurin a puan chhuah dan mawi tak kan thlirho dawn a. Hetiang taka tawi, fiah bawk si, Isua Krista chungchang puan chhuahna hla kan nei hi a hlu takzet a ni. Isua Krista Chungchanga Inhnialna Hmanah, kum AD 325 khan Nicea khua (Tunah chuan Turkey rama Iznik khua)-ah Inkhawmpui Lian pawimawh tak koh a ni a, Kristian tam tak kal khawmin a then te chu a hunlaia Pathian thu thiam, hriatna thuk leh ril tak nei te an ni hlawm. Chu Inkhawmpuia an _ agenda _ pui ber chu Isua Krista chungchang a ni. Isua - Pathian famkim? Hetih hun lai hian Arius-a zirtirna kha a lar hle a. Ani chuan Isua chu Pathian thilsiam zinga ropui ber leh Pathian dawttu a ni a. Thilsiam anih avang erawh chuan awm hma a nei a, awm hma nei a nih avang chuan chatuan mi a ni ve lo. Chatuan mi a nih loh avang chuan P...

Kham leh Suar Sawihawnna

Kham leh Suar hi Lalrammawia Ngente lehkhabu 36 na leh a Novel parukna a ni a, Social reform Novelist ang a kum rei tak (A Novel hmasa ho zawng zawng aṭanga) kan lo hriat tawh kum hmasa lama a kutchhuak Utopia pahnih Angelten An Awmpui (Socio – Religious Utopia) leh Lawng Mi Khawhar (Ecotopia) -a thawnthu inang lo tak, a tum ram erawh inhnerem thliam siin min hruaipen deuh hnuah amah tak tak (social reform) lamah bawk min han letpui leh a, a kutchhuak hmasa lama Mizo tlangval luck leh hmelṭha tak tur, ruihhlo leh mipat hmeichhiatna hman khawlohnain a tih buai, lo chawr chhuahna chhungkaw inrelbawl dan fuh tawh loh laklawh vanga damchhung nun hrehawm taka hmang liam ta te, pawn lama kan inhmuhsak chin piah lam ngawi renga inthlahrung leh mahni mihringpuite ngei pawh hmaizah deka nun chhiar ve ṭhin tute khawvelah; kan hmuh phak piah lam a lo tamzia kan hmuh ṭhin kha, tun ṭumah hian a thling baw hawka rawn phawrh a tum ṭan ta nge, a thawnthu kalhmangah danglam hmuh tur a awm ta nual ...

Search This Blog