Skip to main content

Literature leh Sakhua

Lehkhabu ṭha thlanna tehfungah hian Pathian thu lutuk hnawlna, secular lam deuh kher tehfungte hi a awm ve duh riau a. A bikin Fiction/Novel hi mihring nun tarlanna rau rauah essay, article leh poetry te anga eng emaw ngaihtuahna vei zawng va tarlanna ngawt ni lo. Darthlalang anga a hlimthla va thlir theih tura tarlanna a ni tlat a. He genre chhunga sakhuana tarlanna hi a lansarh hma rualin, secular dahlen duhna rilru nena hnawl zingah pawh a langsar duh viau. Ngun taka kan ngaihtuah erawh chuan, mihring nun hlimthla pho chhuahna kawnga sakhua hnawl tawp chu a harsa viau mai thei.

Hmasang aṭangin mihring hian sakhua a buaipui tawh a, science thiamnain mihring leh mitin a hmuh phak leh a piah lam thlenga hrilhfiahna eng emawzat a chhawp chhuah hma aṭangin hnam tin mai hian sakhuana hmangin chu zawhna chhanna chu an lo zawng daih tawh a ni.

Voltaire-a ngaihdan leh thlirna hrang hrang behchhanin 'Literature-in Sakhua a thlawh khum' tihte hi sawi lar a ni fo a, literature khawvel chu zalenna ram anih avangin eng emaw chawisan a, eng emaw rahbeh chu he zalenna ramin a ken ber chu a ni hauh lo ang. Mahse, chu chuan sakhuana rim nam hnawl vek lam a hawi ber lo tih erawh ngaihtuah ve a ngai. Humanity (Mihring mihrinna) Atheist hoin lo intih tatu tlat an tum laia, Remna siamtute tana Pathian fa nihna pe hialtu hnungzuituten kan lo papek ve lek lek ṭhin ang deuh hi a nihna lai a awm thei ang.

Sakhaw lehkhabu hrim hrim hi, eng sakhua pawh ni se, thu leh hla ṭha, a mawina lam sawi dâwn pawhin a mawi ber ber inphum a ni fo si. Hnam pakhat, ram pakhata vantlang nun tarlanna thawnthua chu rama chêngte sakhaw vawn leh chu miin an nun a khawih dan han tarlan keuh chu, a nihna tur takte pawh a ni zawk mah awm asin.

Sakhuana hi khawvel literature a huang lian ber pakhat hi a ni reng reng a. Mizo literature-ah pawh Christian literature hi genre lian tak pakhat a ni reng bawk. A tel miah lohna la khawm ila, a tlem zawk a la ni thei hial ang. Qua Vadis, The Pilgrim's Progress leh Dr. Faustus te literature ṭha a chhiar a nihnaah hian, a sakhuana ken feel thei tute chauh kan mitthla chuan kan ṭhelh duai thei ang. 

Hetiang literature  hi a chhuak nual tawh a, a la chhuak zel bawk ang.  Sakhua leh literature inkara buklung kan khai dawn hian, ngaihtuahna ngun zawka kan sen a ngai ve fo dawn a ni. Literature a secular kan zawnna lamah hian sappui bek tleu ho ṭawngkam takin, kan lo extreme lutuk palh ve thei tlat😃

150624
Labels:

Comments

Post a Comment

Popular posts from this blog

KATHARSIS MAW?(Mihring thluak, taksa leh rilru lama literature pawimawhna)

Greek Criticism (Plato & Aristotle debate) a sawi lar hlawh em em chu ‘mimesis’ hi a ni. Plato chuan ‘a tak hlimthla, entawn’ ni a a hriat avangin “thrice remove from reality/ a copy of copy of the form (A tak leh chhawng thum) ” a ti hial a. Ziak mite/poet te chu atak hlimthla entawna thil siamchhuak mai mai niah a ngai a, hetih hunlai a Poetry chu chunglam thiltihtheihnain mihring rilrua a dah anga an ngaihna avanga sawisel en pawha an en ngam loh chu huai takin a rawn teh a, hei hian a hnu lam Alexandrian/Hellenistic period-a literature an hmuh danah leh a hnu lam zelah pawh nghawng a nei zui hle reng a ni. Aristotle erawh chuan Poet/writer te chu a tak entawna a hlimthla siam chhawngtu (imitator) ni lovin, awm lo ata dintu (creator) niin a ngai ve thung. Hei hian ziak mite dinhmun leh an lan dan thui tak a hril vang a ni mahna, Greek criticism-ah hian sawilar hlawh ber a ni hial ang. Literature chungchanga Plato leh Aristotle te ngaihdan insaikalh tak tak kara pawimawh deuh pak...
4 comments
Read more

Movie thlirna : Lerlawri te unau Vol. 1

November ni 2, 2024 a tlangzarh Lerlawri te unau, Vol. 1 hi Mizo movie - a Comedy of Manners kan neih tawh zinga danglam tak a ni a, a rei zawng hi darkar  2 vel a ni. Mizo stage drama - ah hian comedy a tam ber ang tih theih hial a ni a, a ram pum huapa Zephyr drama club - in thawm an rawn neih hnu phei chuan kohhran/khawtlang huapa intihhlimnaah hetiang lemchan lam hi kan uar ta hle. Stage drama anih tawh chuan nuih uar uar tur chânin mi tam tak chuan kan châng tawh hial mai thei. A tlangpui thuin heng stage drama/screenplay hoah hian Comedy of Manners kan hriat tlânglawn dan, mi hausa leh neinung, chhungkaw khawsak leh nunphungah pawh mi vantlang chung lamte lantir an ni fo a. Zephyr drama-ah pawh mi hausa nupa sum hman ngaihna hre lo hmun leh hmuna mobile phone-a inbe ngar ngar te, officer eiru hausa chapo taka ṭawng deuh ham ham te, a changtute nunphunga kan hmuh tam a ni ṭhin. Lerlawri te unau movie-ah erawh hi Comedy of Manners huanga khung theih tura khawtlang nun pho chhua...
2 comments
Read more

C.C.COY. No.27 in mihring mihrinna a tarlan dan (Reflection of humanity from C.C.COY. No.27)

-Lalremruati Ngente Kamkeuna: Encyclopedia Britannica chuan Novel a hrilhfiahnaah, “Mihring chanchin (history)-a thil thleng tak tak ni chiah si lo; mahse, thil awm ngei ni thei si hi a ni e,” (Theory Of Literature, 97)  a ti a. “Literature hi mihring nun hlimthla tarlanna Darthlalang a ni”  (Literature Lamtluang, 7) han tih te nen hian a inhlat lo hle. Mihringin minung anih chhunga a chhungril duhna (desire) tihlawhtling tura a theih tawpa a umna kara mihring nun chhia leh ṭha a pal buak nawk nawkna, chhun leh zan inkara lungngaihna leh hlimna, vanneihna leh vanduaina, nun thim leh eng inkarthlak ten a nun thawnthu an ziahsak laia mihring inlaichinna hlutzia fiah taka a lan theih nana khawharna leh malna kara duhsakna leh ngilneihna hlimthlain a lailum a luah tlatna thawnthu C.C COY. NO. 27 hian engtin nge mihring mihrinna a rawn tarlan i han thlir teh ang.   Mihring mihrinna (humanity) chu eng nge? : Cambridge Dictionary chuan, “Midang chunga ngilneihna leh hriatt...
13 comments
Read more